O proxecto e+s miño
O proxecto e+s miño está financiado polo Programa Empleaverde da Fundación Biodiversidad para promover o aproveitamento sostible dos recursos naturais, a mellora do emprego, e favorecer a creación de empresas vinculadas aos recursos locais e a modernización ambiental das empresas existentes.
Obxectivos
O Proxecto e+s miño busca promover a formación ambiental dos traballadores, incrementando as súas competencias e cualificación, promovendo a incorporación da sostibilidade na empresa e a adaptación das actividades económicas á normativa ambiental, así como detectar novas oportunidades de negocio ligadas á conservación e valorización do medio.
Destinatarios
Traballadores por conta allea, profesionais autónomos, empresarios, traballadores de asociacións, fundacións e ONGs residentes nos concellos da Reserva da Biosfera Terras do Miño: A Pastoriza, Abadín, Alfoz, Baralla, Begonte, Castro de Rei, Castroverde, Cospeito, Friol, Guitiriz, Guntín, Láncara, Lugo, Meira, Mondoñedo, Muras, O Corgo, O Páramo, O Valadouro, Ourol, Outeiro de Rei, Pol, Rábade, Riotorto, Vilalba e Xermade.
Excepto empregados públicos
Período de actividades
Outubro de 2009 a Maio de 2011
Organizadores
Universidade de Santiago de Compostela en colaboración coa Consellería de Traballo e Benestar, e o Grupo de Desenvolvemento Rural Terra Chá.
